الموضوع هاد هدية معمولة خصيصاً إلك، كمليه للآخر و إعطيه فرصة و احفظيه عندك 🙈🎊
١. صاحبي نفسك
عشان بعمرك ما تكوني وحيدة مهما الناس راحت و اجت و تغيرت.
٢. لا تعاتبي الناس أبداً❌
الناس (بستتقل) يلي بعاتبها، و الشغلة يلي بتيجي بعد عتاب ما الها طعمة، لهيك لا تعاتبي .. و من مرة لا تستني اشي من حدا.
٣. لا تسمحي للزعل يحوطك🧘🏻♀️
مهما كان يلي بحزنك و بنزل دمعتك، ازا مش قادرة تطلعيه من حياتك تجاهليه، الزعل و الحرد و البكى ما بخلوا الشغلات يلي بدك ياها تصير ، بس بياخدوا من صحتك و حلاوة وجهك.
٤. ارقصي، يومياً 💃🏻
لا تستني المناسبات مشان تحركي جسمك، الرقص رياضة و سعادة، اه عادي سكري غرفتك ع حالك و ارقصي عالاغاني يلي بتحبيها ان شالله بترقصي زي الروبوت.
٥. ما في اشي اسمه دايت🥬
إلغي كلمة الدايت من حياتك، اياكي ترفضي لقمة نفسك فيها مشان تحكي انا عاملة دايت، اقرأي و تثقفي بالموضوع بس لا تنسي القدرات البشرية.. كوني صحية بس مش البرغر سبب خراب جسمك ، عاداتك الغلط هي السبب.
٦. اعتني ببشرتك قدر الامكان، لانه مهما زعلتك الحياة، بس تبكي عالمراي رح تكوني من جوا مبسوطة ع جمالك حتى بأحزن لحظاتك و العكس صحيح. 🍓
٧. لا تنامي زعلانة.. اوك عيطي و تنهنهي و تمسحي بالحيطان كمان بس لما تبلشي تغفي احضريلك شغلة سريعة تضحكك. 🛌
٨. حبيبك،خطيبك،زوجك .. موتي عليه عادي، بس خليه هو سابقك بخطوة دايماً (ازا سبقتيه حيطلع من السباق كله)💘🏎
٩. أي قعدة او مكان او ناس بعطوكي شعور سلبي(مين ما كانوا) قومي من بينهم طوالة. (لو صعب) حطي سماعات.. اعتزليهم و انتي بينهم (مش صعب الموضوع). ✂️
١٠. سباحة، بوكسينغ، رقص، رسم، خياطة .. طوري مهاراتك بوحدة من هدول ، خليها (مهرب) و بريك لنفسيتك من كل العالم. لازم يكون عندك هواية بتعطيكي شعور البريك ⌛️
١١. علاقتك بربنا بتخصك انتي حرة فيها، بس خلي في بينك و بينه (سر) ، ما حدا من الناس يعرف عنه .. يكون سبب بتسهيل امورك و هدايتك. 📿
١٢. اكتر شغلة بتكرهيها بجسمك .. لا تحبيها بس اقبليها، ما حدا كامل. 💞
١٣. حطي هدف، انك تقللي (الاستغابة) من حياتك قدر الإمكان، انك ما تجيبي سيرة حدا ، ولا تهتمي لسيرة حدا. 🤭
١٤. همومك لا تشاركيها مع حدا ابداً ، فرحك شاركيه بس مع يلي بحبوكي. 🌸
١٥. لا تهلكي حالك بتعزيل و تنضيف بيتك، النضافة مطلوبة، بس الهوَس بياخد من صحتك و وقتك و عمرك. 🧽 🧹
١٦. استغلي اجازاتك و فضاوتك بزيارات للدكاترة بأقرب فرصة، لا تسكتي ع وجع او اي شعور مش مريح بجسمك و لو مافي وجع اعملي فحوصات و تطمني. صحتك اهم من كلشي🦠
١٧. لا تستني المرحلة الجاية من حياتك، عيشي يلي انتي فيه هسا بكل تفاصيله من قلبك عيشيه، لانه صدقيني رح يخلص ، (و رح تترحمي عليه كمان حتى لو هلأ مو عاجبك ) ⏳
١٨. امك و ابوكي ، تسهيل حياتك كلها موجود بقلوبهم ، ارضي قلوبهم عنك. 👨👩👧
١٩. حاولي، تأمني مصدر دخل خاص فيكي( لو مؤجل بس موجود) ، حتى لو كنتي بنت فرير و زوجك عنده جرار ذهب !( المصاري نقطة ضعف و بتنلوى الإيد فيهم) 💵
٢٠. ازا قررتي تعملي معروف مع الناس او تضحي مشان حدا او تقدمي اي خدمة.. لا تعمليها الا لما تتأكدي انك ما بدك مقابل الها. 🙌🏻
٢١. بكل فرصة بتصحلك اشتري فستان لو من البالة 👗 ، لا تستني الحفلات و المناسبات ، يومياً اصحي و غسلي وجهك و البسي فستان ، عادي شخصي حتى لو مو طالعة من البيت.
٢٢. لا تسمحي، لا تسمحي، لا تسمحي.. لحدا يتدخل بظروف حياتك.
ليه ما تزوجتي، ليه ما خلفتي، ليه ما درستي، ليه ما تنيلتي! خلفي ولد، اتركي شغلك، ليه تطلقتي ؟ لا تشرحيلهم السبب لا تبرريلهم ، سكتيهم+ طنشيهم. ما حدا اله دخل بنصيب حدا❌
٢٣. احكي للناس عن شغلاتهم الحلوة، الكلمة الحلوة لا تحبسيها ، الشعور الحلو شاركيه💞
٢٤. اعملي سيستم تسلية و تغيير جو ثابت بحياتك(بالطرق يلي بتحبيها)، سواء اسبوعياً او شهرياً ، المهم التزمي فيه كإنه واجب .. لا تأجلي سعادتك، لا تخلي المشاغل و المسؤوليات تاخدك منك و تسرق عمرك. 🕊
٢٥. تابعي جروبي و شغلي اشعاراته، عندي (رسالة كبيرة) إلك .. مش شايفتك مجرد عدد ، شايفتك هدف و حعمل جهدي رسالتي توصلك. 💌
كل يوم رح اشرحلكم وحدة منهم لاني عنجد حابة تعرفوا قديش اثرهم ع حياتنا ❤️🔥
الله يقدرني انا وياكم نطبقهم💪🏻🌹
احكيلي كم وحدة منهم ماشية عليها بحياتك ؟ 🎤
منقول من لما صالح
