🔥💍 كيف أخلي زوجي خاتم بإصبعي 💍🔥
نار و شرار إلحقي 🏃🏻♀️
فعل واحد فقط تقومين به لتجعلي زوجك يعشقك كالطفل
كيف أجعل زوجي يموت في!🐻
كيف أسحر زوجي و أفتنه و أجعله مهووس بي 🔮
كيف اخليه ينام و يصحى بهَلوِس بإسمي 🎎
خلطة ازا صنعتيها و شربتيها لزوجك لن يفكر مجرد التفكير بأنثى غيرك لحد ما الله ياخد أمانته 🧪
وصفات خلطات حركات غمزات ..
المهم هالكائن البشري يفني عمره مشاني 🥰 يموووت علي ، عينيه تكون عامليتلي فلتر حتى و انا صاحية بكشتي ينهبل علي😎
كيف ؟؟ إزززاااي؟؟ How to ؟ شلووون ؟؟؟ 🤔
حداشر مليار و خمستلاف و ستمية و أربعة (نقرة) على محرك البحث (جوجل) بهاي العناوين و ما يشابهها سنوياً من قبل مخلوق اسمه الزوجة 🧕🏼💻
الغريب انه ثلاثة رجال فقط عاملين هاد البحث، بعد التقصي تبين انهم عندهم خربطة هرمونات 🧬
ويلي بخفف العقل، انه ولا وحدة من هالباحثات ماينة ع زوجها او زابطة امورها معه..
أنا شخصياً جربت اقرأ، و العناوين هاي اغرتني قد ما بحلفوا فيها يمين 😂 بعدين صفنت و صحيت ع حالي !
تخيلي حالك قاعدة بأمان ربنا و في حدا بمكان آخر قاعد سهران بدور ع طريقة مشان يخليكي خاتم بأصبعه! 🤔
ايش ليش كيف ؟!؟ اكيد ما بتنبسطي لو انحكى عنك انك خاتم بأصبع حدا! ولا حتى حلق ولا اسوارة ولا تاتو ع فخدته ! 😒
ليش اصلاً حابين نسيطر ع كيان بشري ؟هو زوجك صح .. شريكك ، مش ملكك ! ركزي .. قد ما تحاولي ((لن تسيطري))، مافي انسان اله سلطة أبدية على انسان ابداً. 🤴🏻
ملوك و عم تنشال عن عروشها و همة عندهم المال و القوة و السلاح و ما دامت سيطرتهم ، انتي حتدوم سيطرتك عالزلمة و انتي سلاحك الوحيد شلحتك و دموعك 🙄
تعالي يا حبيبتي يا متزوجة، و يا خاطبة، و يا مفكرة تتنيلي تخطبي و يا كل مقبلة عالزواج، أحكيلك زبدة هيك بسيطة تخليكي تمسكي حبل التفكير من راسه بالطريقة الصح و بعديها اعملي سيرش ع جوجل قد ما بدك و طبقي..🧠
انا عارفة نيتك لكن الصيغة مش صحيحة، بدل كيف اجعل زوجي خاتم ملفوف بين لزاليز سلاميات أصابعي..
ابحثي عن (كيف أستحق أن يحبني زوجي حب مستمر) 🙃
هاي الطريقة سليمة اكتر، منطقية اكتر، مافي حب و رغبة بالاستمرار بتيجي بالمجان، لازم تكوني انسانة بتملك جزئية مختلفة عن غيرها بتخلي اي انسان يتمسك فيها.. انسانة بخجل يلي معها يرفضلها طلب لانها بتستحق مش لانها قارحة و بده يخلص من لسانها او نكدها او شرها..🐍 لانه اخرته يخلص
انتِ بينك و بين حالك جربي اخرجي من نطاق نفسك و حطي حالك مكان زلمة و اسأليه .. شو يلي بخليني احط هالانسانة بعيوني، شوفيها عن غيرها مشان تستاهل كل خير مني..و بعديها الجواب عندك و الحل اسهل انك تبحثي عنه.🥰
حل كل مشكلة بالدنيا ببلش من تعديل حالنا مش تعديل يلي حوالينا. ما النا الحق اصلاً بتغيير اي شيء من حولنا. 🙏🏻 هالكلام قيسيه ع كل مشاكلك مو بس زوجك
الموضوع الجاي رح نحكي كيف عنجد استحق انه زوجي يشيلني بعيونه؟ 🙈
منقول من لما صالح
