🍰 كيف تحسي بنعومة جسمك والطريقة الصحيحة لازالة الجلد الميت وتقشير الجسم بسرعة وسهولة وبدون آلم🍰
الموضوع يعتمد عالروتين المصاحب لوسيلة ازالة الشعر شو ما كانت ..
(ازالة جلد ميت متراكم على الجسم + ترطيب) ♻️
لازم يكون عندك نظام ثابت بخص هالشغلتين على طول ♻️
مش مرة و مرتين و اوقف عالفاضي .. هاي مو وصفة هاد (روتين)
اشي طبيعي لانه جلدنا بتجدد باستمرار طول العمر ع مدار الشهر ♻️
ازالة الجلد الميت و تجديد الجلد و تلميعه : 👇🏻
١)حمام النضافة الاسبوعي، (هاد يختلف عن الشورات السريعة خلال الاسبوع).. بتخلي جسمك يتعرض لبخار المي السخنة تقريب الربع ساعة بدون متحرقيه تلعني ابوه ، بعدين بتمسكي ليفة خشنة منيحة ، و بتفركي حركات دائرية بكل مكان كإنك حتكسبي جوائز (الا وجهك!!!! ).🧽
٢) تقشير جاف (بفرشاية الجسم) ، قبل كل حمام سريع خلال الاسبوع .. حركات دائرية برضه🚿
٣)عمل سكراب (خلطة تقشير) اسبوعية او كل اسبوعين عادي المهم ع فضاوتك ( لإنه احنا كسولين ما رح احكيلك مرتين بالاسبوع بنتخوت ع حالنا) 😉
٤) حمام مغربي شهري، كتير بنصح فيه، تروحي على حمام منيح كل شهر و يدعكوكي ينتفوكي يطلعوا منك ثعلب يجري يلعب. (هو اكتر اشي بفش الغل)
لو صعب اشتري ادواته و اعمليه بالبيت .. المهم هالورشة تعمليها شهري و شوفي كيف الانوثة. 🦊
٥) شرب الماء بكميات منيحة.. شو دخل ؟
دخله انه بسرع من تجديد خلايا جلدك، و بخلي بشرتك حيوية اكتر و صحية.. بديش اشرح اكتر ، لانه شرب المي بده بوست لحاله 🚰
٦) الترطيب، او .. التااااا إرررر طييييب. 🧴
بنشد عالكلمة لانه الانوثة بدون ترطيب ناقصة (احفظي هالقاعدة) و كل تعبك فوق بدون ترطيب = صفر .
الترطيب بحمي جلدك من التشققات من علامات التمدد بساعد انه الخلايا الميتة تنزل اسرع ، بضل جسمك حيوي فيو لمعة و بهجة و نور و وجدان و حنان و هبة 😂🍰
كيف أرطب و متى ؟
بعد كل حمام.. كل ازالة شعر.. ازا صحلك يومياً صبح و مسا شي ما بينتسا(ع قولة فيروز).
لكن انتبهي بعد ازالة الشعر بدك كريم مافيو عطور و خفيف عالبشرة مشان ما تتحسسي و تلتهب المسامات و تصيري مرقطة احمر .. 🥰
أنا شخصياً حاطة البيبي اويل بالحمام ، خفيف و بتشربه الجلد سريع و ما بعجق الدنيا و بخليكيش لزجة دبقة و بطبعش عالاواعي 🐛
نصيحة:❤️🔥 عشان أقصى استفادة من الترطيب ، اول ما تخلصي شور قبل ما تطلعي من الحمام بس نشفي جسمك عالخفيف مش كتير خليكي رطبة مبلبلة، لفي شعرك بالمنشفة و دلكي حالك من كعبك لرقبتك فيه🧴🚿😍
و اطلعي البسي فيتان قصير و اعملي فيديو كليب عالمراي .. 💃🏻
هاد الحكي مع اي وسيلة ازالة شعر شو ما كانت (يلي بتريحك) حتى يلي بعملوا ليزر ضروري و بعطي نتائج مرضية منعشة جميلة ❤️
منقول من لما صالح
